Elon Musk mund të bëhet trilioneri i parë në botë nëse aksionarët e Teslës miratojnë një propozim të ri që do të ofronte pagesa të jashtëzakonshme për të, nëse kompania arrin disa objektiva ambicioze. Sipas CNN, paketa e re mund t’i japë atij 423.7 milionë aksione shtesë të Teslës, që do të kishin një vlerë të përafërsishme prej 143.5 miliardë dollarësh nëse aksionet arrijnë një vlerë totale prej 8.5 trilion dollarësh.
Megjithatë, ky objektiv është shumë më i lartë se vlerësimi aktual i tregut prej 1.1 trilion dollarësh. Një tjetër pjesë e kësaj prokurës përfshin një propozim për të investuar në xAI, kompaninë e inteligjencës artificiale që zotëron gjithashtu Musk, e cila ka blerë kohët e fundit platformën e njohur të mediave sociale X (ish-Twitter) për 44 miliardë dollarë.
Musk aktualisht zotëron 410 milionë aksione të Teslës, me një vlerë prej 139 miliardë dollarësh. Ai ka 304 milionë opsione për të blerë aksione shtesë, por një gjyqtar në Delaware e ka shpallur paketën e tij të pagave të vitit 2018 si të paligjshme, pavarësisht mbështetjes së fuqishme nga aksionarët.
Ndërkohë, aksionet e Teslës kanë pësuar ndjeshëm rënie, duke humbur 26% nga kulmi i nëntorit, për shkak të situatave të tregut dhe konkurencës në rritje nga prodhuesit e tjerë, sidomos nga Kina. Pavarësisht konkurrencës, Musk dhe ndjekësit e tij besojnë se Tesla është në një pozitë të shkëlqyer për rritje të mëtejshme. Ai është i fokusuar në zhvillimin e teknologjive të reja si makinat vetë-drejtuese dhe shërbimi robotaxi, që pritet të sjellin fitime të mëdha.
Megjithatë, kjo është një fazë e pasigurt për kompaninë pasi shumë nga premtimet e Musk janë kritikuar për mungesë përmbushjeje. Tesla përballen gjithashtu me konkurrencë nga kompani si Waymo, që ofrojnë shërbime robotaxi dhe kanë një avantazh të dukshëm në këtë sektor. Si përfundim, e ardhmja e Musk dhe e Teslës mbetet e paqartë në një treg gjithnjë e më të konkurrueshëm.
