Marc-André ter Stegen do ta mbyllë sezonin te Girona në formë huazimi, pasi e kuptoi se te Barcelona do të kishte pothuajse zero minuta nën drejtimin e Hansi Flick, i cili e ka bërë të qartë se Joan Garcia është portieri “numër 1”.
Sipas “Què t’hi Jugues!”, të martën në mëngjes ter Stegen i ka dhënë lamtumirën shokëve të skuadrës në mënyrë emocionale. Ai pritet të kryejë vizitat mjekësore në Girona pasdite dhe të zhvillojë seancën e parë stërvitore me ekipin e ri të mërkurën. Nëse gjithçka shkon mirë, gjermani mund të debutojë si titullar që në ndeshjen e kampionatit të hënën.
Sa kursen realisht Barcelona?
Edhe pse ter Stegen është ndër lojtarët më të paguar te Barça, Girona do të mbulojë vetëm 500,000 euro nga paga e tij. Kjo do të thotë se Barcelona kursen vetëm këtë shumë, ndërsa kapiteni nuk ka hequr dorë nga asnjë pjesë tjetër e pagës për këtë sezon. Po ashtu, raportohet se Girona nuk do të paguajë tarifë huazimi, pasi kjo ishte thuajse maksimumi që klubi mund të përballonte financiarisht.
Debat brenda ambientit blaugrana
Në komentet në radio u theksua se ky huazim duket më shumë si gjest respekti për ter Stegen sesa lëvizje me fitim financiar. U ngrit edhe shqetësimi se në verë Barcelona mund të ketë sërish presion me regjistrimet dhe “fair play” financiar, kur të vijnë afrime të reja.
Emra portierësh “me kontratë që skadon”
Në rast emergjence, u përmendën disa opsione që u skadon kontrata dhe mund të jenë alternativa për Barcelonën:
- Stefan Ortega (Man City, 33)
- Illan Meslier (Leeds, 25)
- David Soria (Getafe, 32)
- Nikita Khaykin (Bodø/Glimt, 30)
