I dëmtuar në fillim të këtij sezoni, portieri gjerman Marc Ter Stegen është një nga mungesat më të mëdha që ka patur skuadra e Barcelonës këtë sezon. Për të u përfol se sezoni konsiderohet i mbyllur, por 32-vjeçari shpreson të rikthehet që këtë sezon.
I pyetur nga e përditshmja spanjolle “Mundo Deportivo” nëse ai priste të rikthehej këtë sezon, portieri tha: “Të shohim, por po punoj për ta realizuar këtë gjë. Kjo është ëndrra ime dhe klubit, ndaj bashkë me stafin mjekësor po punojmë”.
Për aspiratat e Barçës për të fituar Champions League këtyë sezon, portieri u përgjigj: “Le ta bëjmë hap pas hapi. Tani jemi në një moment të mirë tani dhe sot do të jetë patjetër një ndeshje e shkëlqyer ndaj Benfica që duhet fituar”.
