Aeroporti Ndërkombëtar i Tiranës ka njoftuar pezullimin e fluturimeve në drejtim të Izraelit dhe Dubait për shkak të tensioneve më të fundit që kanë përfshirë Lindjen e Mesme.
Përmes një postimi të bërë në rrjet, TIA bën me dije se vendimi për pezullimin e fluturimeve drejt Lindjes së Mesme është marrë menjëherë pas shpërthimit të sulmeve ajrore.
Vendimi është marrë në mbrojtje të jetës së pasagjerëve nga sulmet ajrore që kanë përfshirë vendin, ndërsa bëhet me dije se pasagjerët do të njoftohen për fluturimet e radhës në ditët në vijim në varësi të situatës.
“Aeroporti Ndërkombëtar i Tiranës njofton pasagjerët që për shkak të situatës në Lindjen e Mesme dhe mbylljes së hapësirave ajrore, të gjitha fluturimet drejt Tel Aviv dhe Dubai janë anuluar deri në një njoftim të dytë”, shkruhet në njoftimin e bërë së fundmi nga TIA.
