Presidenti i La Ligës, Javier Tebas, ka deklaruar se eliminimi i Shteteve të Bashkuara nga Belgjika në Kupën e Botës 2026 shmangu një skandal që mund t’i kishte kushtuar postin presidentit të FIFA-s, Gianni Infantino.
Polemikat shpërthyen përpara ndeshjes së 1/8-ve mes SHBA-së dhe Belgjikës, pasi komisioni disiplinor i FIFA-s pezulloi dënimin 12-mujor të Folarin Balogun, duke e lejuar sulmuesin të luante pavarësisht përjashtimit në sfidën ndaj Bosnjë-Hercegovinës.
Vendimi erdhi pasi presidenti amerikan Donald Trump zhvilloi një telefonatë me Infantinon. Megjithatë, SHBA-ja u eliminua pas humbjes 4-1 ndaj Belgjikës.
“Pezullimi i dënimit të lojtarit amerikan ishte një çështje jashtëzakonisht e rrezikshme. Ata patën fat që Belgjika eliminoi Shtetet e Bashkuara, sepse në të kundërt mund të lindte një problem që do t’i kushtonte Infantinos postin”, deklaroi Tebas për “La Gazzetta dello Sport”.
Kreu i La Ligës kritikoi gjithashtu idenë për zgjerimin e Kupës së Botës 2030 në 64 skuadra. Sipas tij, një format i tillë do të dëmtonte kampionatet kombëtare dhe do të rëndonte më tej kalendarin e futbollistëve.
Botërori me 64 skuadra do të kishte 16 grupe me nga katër ekipe dhe numri i ndeshjeve do të rritej nga 104 në 128.
