Është publikuar momenti i arrestimit të dy shqiptarëve të cilët dyshohet se i morën jetën bashkëatdhetarit të tyre në Spanjë, Miklovan Dakaj, trupi i të cilit u gjet i pajetë buzë rezervuarit Casasola në Almogía (Málaga).
Në pamjet e publikuara nga mediat e huaja shikohet momenti kur policia spanjolle vë në pranga 2 shqiptarët.
Në momentin e arreestimit të tij, që referuar pamjeve mësohet se është kryer në orë të vona të mbrëmjes, i pari shfaqet i veshur me veshje casual, me bluzë në ngjyrë blu të errët dhe tuta të shkurtra me po të njëjtën ngjyrë dhe shapka.
Ndërsa tjetri, në momentin e arrestimit shfaqet i veshur sportiv me një xhup të trashë lëkure me ngjyrë të zezë e atlete të bardha.
Kliko këtu për të parë videon e arrestimit
Nga hetimet e shtrira në një periudhë kohore afro 1-vjeçare, dyshohet se vrasja e Dakajt është realizuar nga një grup kriminal me të cilin raportohet se ai kishte punuar prej kohësh duke shitur kokakinë.
Edhe pse hetimet për zbardhjen e plotë të vrasjes së të riut shqiptar janë në vijm, burime policore në Spanjë dyshojnë se vrasja e Miklovan Dakaj ka ndodhur për larje hesapesh, referuar këtu pazarit të drogës.
Hetimet e bëra kanë zbuluar se dhuna dhe presioni i ushtruar nga grupi kriminal që dyshohet se i ka marrë jetën shqiptarit, së fundmi kanë qenë gjithnjë e në rritje. Ashpërsia e grupit kriminal dyshohet të jetë përkeqësuar në dy vitet e fundit, kur ata “zgjeruan” tregtinë e drogës. Në dy vitet e fundit banda në fjalë, përveç shitjes së hashashit raportohet se ka filluar të tregtojë dhe kokainë, jo vetëm brenda për brenda Spanjës por dhe në vende të tjera.
Për grupin, zgjerimi i tregtimit të drogës nuk i rrit rreziqet por çështja është se fitimet shumëfishohen. Ndaj kjo mendohet se çon në një rivalitet më të madh midis “familjeve” të ndryshme, si në aspektin e konkurrencës ashtu edhe të vjedhjes nga njëra-tjetra.
Ndonëse zhdukja dhe vrasja e Dakajt thuhet se nuk ka ndodhur për pasojë të ndonjë sulmi me armë, dyshohet se grupi kriminal e ka dhunuar atë për vdekje dhe e ka lënë pranë rezervuarit Casasola në Almogía (Málaga), ku një shtetas polak gjeti dhe një çantë që raportohet se i përket shqiptarit.
Ndërkohë në dëshminë e dhënë para hetuesve, e dashura e shqiptari ka rrëfyer momentet dhe bisedën e fundit që ajo përjetoi me të. Mësohet se Miklovani i kishte thënë asaj se duhej të shkonte në restorantin José Carlos në Puerto de la Torre për t’u takuar me “disa miq”. Ai mendoi se do t’i ofronin një punë si truproje.
Një orë e gjysmë nga biseda me të, ajo është shprehur se humbi kontaktin duke mos arritur të komunikonte dot më. Ajo ishte e sigurt se “diçka i kishte ndodhur” pasi dyshja nuk kalonte kurrë shumë orë pa komunikuar me njëri-tjerin. Gjatë dy ditëve në vijim, ajo shkoi në restorant dhe konfirmoi se makina e ish-partnerit të saj, një BMW X6, ishte ende atje.
