Policia ka dhënë detaje të reja për ngjarjen e ndodhur dy ditësh më parë në Elbasan, ku u qëllua me armë zjarri në drejtim të një banese.
Sipas njoftimit të policisë, janë proceduar penalisht shtetasit B. B. (E. Ç.), 48 vjeç, D. K., 47 vjeç, E. C., 24 vjeç. Ndërkohë janë shpallur në kërkim dy shtetasit Xh. B., 40 vjeç dhe Sh. B., 50 vjeç.
Ngjarja ka ndodhur më 28 nëntor në lagjen “Vullnetari”, ku është qëlluar me armë zjarri në drejtim të banesës së shtetasit F. P., 66 vjeç.
Hetimet e kryera deri më tani tregojnë se disa ditë më parë ka pasur një konflikt për motive të dobëta midis shtetasve E. C. dhe B. B., gjatë të cilit 24-vjeçari ka dëmtuar xhamin e automjetit në pronësi të 48-vjeçarit.
Më pas të premten konflikti është përshkallëzuar, duke u përfshinë shtetasit B. B., E. C., Xh. B. dhe Sh. B., ku dyshohet se është qëlluar me armë zjarri në drejtim të banesës, në pronësi të shtetasit F. P., ku banon shtetasi E. C..
Shtetasi E. C., akuzohet se nuk ka kallëzuar ngjarjen, ndërsa shtetasi D. K., dyshohet se ka fshirë pamjet e kamerave të sigurisë së banesës së tij, e cila ndodhet pranë vendit të konfliktit
Njoftimi i Policisë:
Specialistët për Hetimin e Krimeve të Komisariatit të Policisë Elbasan, në vijim të veprimeve procedurale dhe hetimore në lidhje me ngjarjen e datës 28.11.2025, ku u njoftua se dyshohet të jetë qëlluar me armë zjarri në drejtim të banesës së shtetasit F. P., 66 vjeç, në lagjen “Vullnetari”, bëjnë me dije se:
-u referuan materialet në Prokurori ku nisi procedimi penal për shtetasit B. B. (E. Ç.), 48 vjeç, D. K., 47 vjeç, E. C., 24 vjeç,
-u shpallën në kërkim shtetasit Xh. B., 40 vjeç dhe Sh. B., 50 vjeç (të afërm të shtetasit B. B.).
Nga veprimet hetimore të kryera ka rezultuar se disa ditë më parë ka ndodhur një konflikt për motive të dobëta midis shtetasve E. C. dhe B. B., gjatë të cilit shtetasi E. C. ka dëmtuar xhamin e automjetit në pronësi të shtetasit B. B..
Më datë 28.11.2025, janë përfshirë në konflikt shtetasit B. B., E. C., Xh. B. dhe Sh. B., ku dyshohet se është qëlluar me armë zjarri në drejtim të banesës, në pronësi të shtetasit F. P., ku banon shtetasi E. C.. Gjithashtu, shtetasi E. C. nuk ka kallëzuar ngjarjen. Ndërsa, shtetasi D. K., dyshohet se ka fshirë pamjet e kamerave të sigurisë së banesës së tij, e cila ndodhet pranë vendit të konfliktit, duke penguar zbulimin e së vërtetës.
Po punohet për kapjen e shtetasve Xh. B. dhe Sh. B.
