Të shtëna me armë zjarri janë raportuar përgjatë bulevardit Ismail Qemali në Vlorë pak momente më parë teksa qyteti është në errësirë totale për shkak të ndërprerjes së energjisë.
Deri më tani nuk raportohet për persona të lënduar.
Pas marrjes së njoftimit, Policia ka shkuar menjëherë në vendin e raportuar, por deri tani nuk janë konstatuar persona të përfshirë në konflikt.
Policia po kryen verifikimet përkatëse për zbardhejen e ngjarjes.
“Në orën 18:36, në sallën operative të DVP Vlorë është marrë një njoftim se në lagjen “Lef Sallata” dyshohet se ka ndodhur një konflikt.
Policia ka shkuar menjëherë në vendin e raportuar, por deri tani nuk janë konstatuar persona të përfshirë në konflikt.
Vijon puna për identifikimin e tyre dhe sqarimin e plotë të këtij rasti.
Sqarojmë se, në lidhje me një zhurmë të ngjashme me të shtënë me armë zjarri, po kryhen verifikimet përkatëse nga ana e shërbimeve të Policisë”, njofton policia.
