Forcat Operacionale kanë finalizuar tre operacione për kapjen e shtetasve të akuzur me burg për vepra të ndryshme penale.
Ka rënë në prangat e policisë dy pjestarë të një organizate kriminale në Itali, të akuzuar për trafikim të lëndëve narkotike. Të dy shtetasit Ylli Zherri nga Mamurrasi dhe Lumnije Freskina ishin dënuar me burg nga Gjykata e Firences.
Gjithashtu është arrestuar Ahmad Farran, 37 vjeç, shtetas suedez. Policia e Tiranës e arrestoi pasi ky shtetas është dënuar në Suedi me akuzën “Kanosje serioze për vrasje”.
“Operacionet, rezultat dhe i shkëmbimit të informacioneve me homologët e rrjetit ENFAST.
Drejtoria e Forcës së Posaçme Operacionale (Fast Albania) kapi dhe vuri në pranga 2 pjesëtarë të organizatave kriminale në Itali, të akuzuar për trafikim të lëndëve narkotike, si dhe 1 shtetas të akuzuar në Suedi, për kanosje serioze për vrasje.
Si rezultat i koordinimit të informacioneve dhe veprimeve operacionale, me homologët e Policisë italiane dhe ata të Policisë suedeze, në kuadër të operacionit policor “Operacionalja 22”, u lokalizuan dhe u vunë në pranga shtetasit:
Ylli Zherri (alias Ylli Gjuci), 32 vjeç: I arrestuar në Mamurras, për veprën penale “Trafikimi i lëndëve narkotike”, i kryer si pjesë e një organizate kriminale. Gjykata e Vareses, Itali, kishte caktuar masën e sigurisë “Arrest në burg”.
Lumnije Freskina (alias Lumnije Danaj), 60 vjeçe: E arrestuar në Shkodër, për të njëjtën akuzë si Ylli Zherri. – “Trafikimi i lëndëve narkotike”, e kryer në kuadër të një organizate kriminale. Gjykata e Apelit të Firences, Itali, kishte lëshuar një urdhër arresti.
Ahmad Farran, 37 vjeç, shtetas suedez: I arrestuar në Tiranë, pasi Gjykata e Orebros, Suedi, kishte lëshuar një urdhër arresti për akuzën “Kanosja serioze për vrasje”.
Interpol Tirana po bashkëpunon me homologët në Itali dhe në Suedi, për të finalizuar procedurat e ekstradimit të këtyre shtetasve
