Ylli francez nuk u lë asnjë shans portierëve rivalë.
Dy golat e Mbappé-s jo vetëm që e dërguan kombëtaren franceze në Kupën e Botës 2026, por edhe shkruan përsëri emrin e tij me shkronja të arta në historinë e futbollit francez.
Në ndeshjen e djeshme të javës së pestë të kualifikueseve për Botërorin 2026, Franca mposhti thellë Ukrainën, me yllin 26-vjeçar të Real Madridit, Kylian Mbappé, që realizoi një dopietë vendimtare.
Ky triumf i garantoi “Les Bleus” biletën për në Kupën e Botës 2026, ndërsa vetë Mbappé arriti kuotën mbresëlënëse të 400 golave në vetëm 26 vjeç.
Mbappé u bë gjithashtu futbollisti i parë i përfaqësueses franceze në 34 vjet që shënon në gjashtë ndeshje radhazi. I fundit që arriti një përmendore të tillë ishte Jean-Pierre Papin, i cili realizoi gola në shtatë takime me radhë në vitin 1991.
Këtë sezon, Mbappé numëron 28 gola në 20 ndeshje me klubin dhe kombëtaren.
