Kreu i qeverisë shqiptare Edi Rama ditën e sotme ndodhej në Budapest. Ai mori pjesë në takimin e pestë të Komunitetit Politik Europian. Së bashku me homologun e tij hungarez, Viktor Orban, Rama zhvilloi një konferencë për mediet. I pari që e mori fjalën ishte Orban, i cili u ndal te problemi i migracionit, teksa tha që takimi i radhës do të mbahet në Tiranë.
“U ra dakord që Europa duhet të mbetet një aktor aktiv për negociatat e të ardhmes. Kjo do të përcaktojë të ardhmen e Europës. Europa duhet të jetë e pranishme në mënyrë që të jetë në gjendje të ndikojë vendimet për të ardhmen. Ka një takim në samite të tilla dhe ka seanca të veçanta pune. Ne marrim pjesë në punën e këtyre seancave. Kemi pasur një seancë për sigurinë ekonomike dhe një tjetër që është përqendruar te çështjet e emigracionit. Krerët e grupeve të punës mund të japin një përmbledhje të asaj që u diskutua. Sa i takon migracionit. Kjo çështje është mjaft vendimtare për pikëpamjet kundërshtuese dhe në fakt po trysnon sistemet tona.
Të gjithë jemi të pakënaqur me këtë situatë. Konstatova sot që ka një pengesë ndaj kësaj, ndaj qëllimit për të bërë ndryshime. Duhet që ta trajtojmë këtë dhe në profesionin tonë quhet aktivizëm që do të thotë për qeverisjet tona duhet të ketë vendime, por këto vendime janë në kundërshtim me vendimet europiane dhe të gjykatave. Gjithë rezultatet për të frenuar migracionin bëhen zero. Gjithmonë kemi qenë kundër këtij akjtivizmi gjyqësor. Nuk mendoj se mund ta ndalim migracionin nëse nuk u qasemi si duhet vendimeve në fuqi. Duhet ta vazhdojmë këtë platformë. Ramë dakord që në Tiranë Komuniteti do të mirëpritet nga kryeministri”, tha ai.
