Fbi dhe autoritetet amerikane po vazhdojnë hetimet në lidhje me sulmin vdekjeprurës në natën e ndërrimit të viteve në New Orleans i cili shkaktoi 10 viktima dhe 35 të plagosur.
Autoritetet kanë zbuluar se i dyshuari në këtë akt është shtetas amerikan dhe kishte një flamur të ISIS-it në momentin e incidentit, çka bën të dyshohet se ishte një sulm terrorist.
Tragjedia e rëndë ndodhi pranë Canal dhe Bourbon Street, në orët e para të Vitit të Ri. Pas ngjarjes, hetuesit gjetën pajisje shpërthyese të fshehura në një arkë brenda kamionit.
FBI po drejton hetimin dhe e ka cilësuar këtë si një “akt terrorizmi”. Hetuesit po analizojnë nëse i dyshuari ka pasur bashkëpunëtorë ose lidhje me organizata terroriste dhe po shqyrtojnë pikëpamjet e tij politike dhe fetare. Ngjarja ka tronditur qytetin dhe ka nxitur masa të rrepta sigurie.
