Ish-kryeministri Sali Berisha ka reaguar pas sulmit amerikan në Venezuelë, duke deklaruar se një veprim i tillë do të ketë pasoja direkte për të gjithë narko-diktatorët në botë, përfshirë edhe Shqipërinë.
Në një deklaratë për shtyp, Berisha thekson se për të pasur efekt të plotë ky zhvillim, është e domosdoshme që shqiptarët të ngrihen kundër, sipas tij, “narko-diktatorit të tyre”, duke ngritur zërin fuqishëm.
“Pa asnjë diskutim që ky veprim do të ketë pasoja direkte për të gjithë narko-diktatorët në botë, përfshirë Shqipërinë. Por për të pasur efektin e plotë, shqiptarët duhet të ngrihen kundër narko-diktatorit të tyre”, shprehet Berisha.
Ai shton se është i bindur se në rast të një reagimi të fortë qytetar, mbështetja ndërkombëtare për opozitën shqiptare do të jetë e plotë.
Berisha: Pa asnjë diskutim që do ketë pasoja direkte për të gjithë narko-diktatorët në botë, përfshi Shqipërinë. Por kjo kërkon mbi të gjitha, për të pasur efektin e plotë, që shqiptarët të ngrihen kundër narko-diktatorit të tyre, të ngrenë zërin fuqishëm dhe i kam bindjen më të madhe se mbështetja ndërkombëtare do të jetë e plotë për opozitën shqiptare.
