Kreu i Prokurorisë së Posaçme Altin Dumani ka falenderuar ditën e sotme Këshillin e Lartë të Prokurorisë, për mbrojtjen që u ka bërë. Gjatë raportimit për punën e SPAK gjatë vitit 2024, Dumani ka falenderuar KLP-në që u ka dalë në mbrojtje, pas sulmeve verbale që u janë bërë gjatë vitit 2024 dhe 2025. Dumani më tej theksoi se pavaërisht sfidave, kanë shënuar arritje në luftën kundër krimit dhe korrupsionit.
“I vetmi institucion që ka reaguar në mbrojtje të SPAK me ngjarjet që jemi ballafaqur në 2024, por edhe gjatë 2025. Pavarësisht sfidave se kemi ndaluar punën duke shënuar arritje në luftën kundër krimit të organizuar dhe korrupsionit.”, tha Dumani.
SPAK gjatë muajve të fundit është përballur me sulme të vazhdueshme politike, për shkak të arrestimit të kryebashkiakut Erion Veliaj. Sulmet ndaj SPAK kanë ardhur nga vetë kryebashkiaku Veliaj si dhe nga zyrtarë të PS-së.
