Turqia ka shprehur shqetësime të thella për një seri sulmesh ndaj anijeve të lidhura me Rusinë në Detin e Zi, brenda zonës së saj ekskluzive ekonomike.
Ambasadori ukrainas dhe ngarkuari me punë i Rusisë janë thirrur në Ministrinë e Jashtme turke për të diskutuar këto incidente në kontekstin e përshkallëzimit të tensioneve mes dy vendeve të përfshirë në konflikt.
Zëvendësministri i Jashtëm, Berris Ekinci, theksoi se gjatë javëve të fundit ka pasur një intensifikim të konsiderueshëm të sulmeve të ndërsjella mes Rusisë dhe Ukrainës, duke përfshirë dhe ato në Detin e Zi.
Ai njoftoi se Turqia është e shqetësuar për situatën dhe kërkon të ruajë stabilitetin në rajon. “Së fundmi janë regjistruar disa sulme në Detin e Zi, duke përfshirë ditët e fundit. Ne i shprehim shqetësimet tona ne nivele të larta diplomatike”, tha Ekinci.
Ky informacion u raportua për herë të parë nga agjensia “Reuters”, e cila konfirmoi se Turqia kërkon të qëndrojë në qendër të diskutimeve për sigurinë rajonale, duke u angazhuar për një zgjidhje paqësore.
Pasojat e konfliktit mes Ukrainës dhe Rusisë kanë filluar të ndihen edhe përtej kufijve, duke rritur tensionet në Detin e Zi, një zonë e rëndësishme strategjike për të dyja vendet dhe për fqinjët e tyre.
Situata në Detin e Zi vërehet se po bëhet gjithnjë e më delikate dhe përfshin rreziqe të shumta për sigurinë në këtë pjesë të botës.
Turqia, një aktor kyç në këtë klimë tensioni, po përpiqet të mbajë një balancë ndërmjet dy vendeve të përfshira në konflikt, duke shprehur nevojën për bisedime dhe zgjidhje diplomatike për të parandaluar përshkallëzimin e mundshëm të konfliktit.
Këto zhvillime tregohet se kanë rëndësi të madhe jo vetëm për sigurinë e rajonit por edhe për stabilitetin e përgjithshëm të Europës Lindore.
