Reshjet e dendura të shoqëruara me erëra të forta kanë shkaktuar ndërprerje të energjisë elektrike në disa zona të Durrësit pasditen e sotme. Pa drita kanë mbetur Gjiri i Lalzit, Hamallaj dhe Xhafzotaj, ku banorët raportojnë probleme të menjëhershme që prej orëve të para të stuhisë.
Pasojat e stuhisë që përfshiu ditën e sotme vendin tonë, kanë lënë pa energji elektrike zonën e Gjirit të Lalzit, Hamallaj, Manzës dhe Xhafzotajt.
Mësohet se shkak për këtë është bërë dëmtimi i linjës kryesore të furnizimit me energji 110 KW në Durrës.
Burime nga Operator i Shpërndarjes së Energjisë Elektrike bëjnë me dije se ekipet e avarisë ndodhen në terren për të riparuar linjat e dëmtuara dhe pritet që furnizimi me energji të rikthehet gradualisht.
Stuhia e fortë që ka përfshirë qarkun e Durrësit ka shkaktuar gjithashtu vështirësi në qarkullimin rrugor dhe probleme me prani uji në disa akse. Autoritetet u bëjnë thirrje qytetarëve të tregohen të kujdesshëm deri në normalizimin e situatës.
