Një studim ndërkombëtar me 808 të rinj nga 33 vende të ndryshme ka zbuluar se burrat bien në dashuri pothuajse dy herë më shpejt se gratë. Mesatarisht, burrave u nevojitet rreth një muaj për të rënë në dashuri, ndërsa grave rreth dy muaj.
Për më tepër, burrat raportojnë se kanë përjetuar dashuri më shpesh – mesatarisht 2.6 herë, krahasuar me 2.3 herë tek gratë, megjithëse të gjithë pjesëmarrësit ishin në moshën 18 deri në 25 vjeç.
Megjithatë, ndonëse burrat bien më shpejt në dashuri, femrat kanë ndjenja më të thella dhe më të fuqishme gjatë lidhjes. Ato tregojnë për një përkushtim më të madh dhe një lidhje emocionale më intensive.
Sipas studiuesve, këto ndryshime mund të shpjegohen nga dallimet evolutive në mënyrën se si burrat dhe gratë qasen ndaj dashurisë dhe marrëdhënieve romantike.
