Një studim i fundit nga LonLyf mbi stilin e jetesës në Londër ka zbuluar se më shumë se 75% e meshkujve janë më besnikë ndaj berberëve të tyre sesa ndaj partneres romantike ose gruas. Këto marrëdhënie berber-klient shpesh ngjajnë me lidhjet e fëmijërisë, dhe disa burra janë të gatshëm të bëjnë rrugë të gjata për të shkuar tek berberi i tyre, edhe nëse kanë ndryshuar shtëpi. Ekspertët e lidhin këtë besnikëri me rutinën, besimin dhe rehatinë që ofron ky shërbim.
Rreth 45% e meshkujve shmangin berberët e rinj për të evituar situatat e sikletshme, ndërsa 30% kanë frikë se mund të kenë një prerje flokësh të keqe. Megjithatë, kjo histori tregon edhe një aspekt tjetër: sipas statistikave, 70% e divorceve kërkohen nga gratë, çka sugjeron se edhe pse burrat mund të tradhtojnë, ata shpesh nuk dëshirojnë të ndahen.
Ky fenomen nënvizon dëshirën e burrave për qëndrueshmëri dhe besnikëri, si në marrëdhënie ashtu edhe në përkujdesjen e flokëve.
