Një operacion i gjerë është duke u zhvilluar në Tiranë nga SPAK dhe departamenti i Krimit Ekonomik, me fokus në luftën kundër mashtrimeve ekonomike dhe aktivitetet e paligjshme me kriptovaluta.
Deri tani, mësohet më shumë se 10 persona janë ndaluar, ndërsa kontrollet po vazhdojnë në disa zona të kryeqytetit dhe periferisë.
Sipas burimeve, kontrollet po kryhen në Vorë, Laknas, Kamëz, Fushë Krujë, Mëzez, Kashar dhe Fresk, ku dyshohet se kryhey aktiviteti i paligjshëm.
SPAK dhe Policia e Shtetit ende nuk kanë dhënë një deklaratë zyrtare në lidhje me ngjarjen, ndërsa priten detaje të reja në vijim.
