10 Tetori është Dita Botërore e Shëndetit Mendor. Në këtë ditë OBSH, thotë se 60% e popullsisë globale në marrëdhënie pune, duhet që të jetë të siguruar nga puna, për të parandaluar rreziqet e shëndetit mendor dhe të mbrojë e mbështesë shëndetin mendor në punë.
Sa i përket kësaj OBSH shprehet se e rëndësishme është që në fokus të qeverive, punëdhënësve, organizatave që përfaqësojnë punëtorët, të ofrojnë një mjedis të sigurt për punë dhe të japin kontributin e tyre në përmirsimin e shëndetit mendor.
Ky në fakt është edhe fokusi i Organizatës Botërore të Shëndetësisë për këtë vit.-
Kushtet e pashëndetshme duke përfshirë stigmën, diskriminimin dhe ekspozimin ndaj rreziqeve si ngacmimi dhe kushte të tjera të këqija të punës, mund të paraqesin rreziqe të konsiderueshme, duke ndikuar në shëndetin mendor, cilësinë e përgjithshme të jetës dhe rrjedhimisht pjesëmarrjen ose produktivitetin në punë.
Sipas një studimi të kryer dhe Ipsos Global Health Service Monitor, gjysma e njerëzve në rang botëror, vlerësojnë se shëndeti mendor është një nga problemet më të mëdha me të cilat do i duhet të përballet sistemi sanitar i çdo shteti. Studimi është realizuar në 31 vende dhe del se më të rrezikuarit nga stresi janë gratë dhe të rinjtë.
