Me 85 vota pro, dhe tre kundër Endrit Shabani u votua në Kuvend si Avokat i Popullit me mbështetjen e shumicës socialiste.
Deputetët e opozitës bojkotuan seancën parlamentare.
Shabani, ish-drejtues i lëvizjes “Nisma Thurje”, ishte një nga gjashtë kandidaturat e miratuara më herët në Komisionin e Ligjeve për votim në seancën plenare, përkrah Ardiana Kalajas, Aranita Brahajt, Besim Ndregjonit, Skënder Halucës dhe Tartar Bazajt.
Votat për kandidatët e tjerë
Tartar Bazaj / 1 pro,79 abstenim, 7 kundër
Aranita Brahaj / 4 pro, 76 abstenim, 7 kundër
Skënder Haluci / 1 pro, 72 abstenim, 14 kundër
Adriana Kalaja / 0 pro, 69 kundër, 17 abstenim
Beism Ndregjoni / 0 pro, 61 abstenim, 25 kundër
Endri Shabani / 85 vota pro, 0 abstenim, 3 kundër
Autogoli i opozitës
Zgjedhja e Shabanit u shoqërua me kundërshtime të forta nga opozita, e cila e cilësoi procesin “të manipuluar” dhe “pa konsensus”. Partia Demokratike kishte firmosur fillimisht për disa kandidatura, përfshirë edhe Shabanin, por më pas i tërhoqi të gjitha. Deputetët e PD-së pretenduan se Komisioni i Ligjeve shkeli procedurën, pasi lejoi kandidatura që nuk kishin më mbështetje të vlefshme.
Kujtojmë se në zgjedhjet e fundit parlamentare, Shabani kandidonte për deputet nën logon e koalicionit “Nisma Shqipëria-Bëhet”, kundër kryeministrit Edi Rama dhe kabinetit të tij bashkë me deputetët, që sot i dhanë këtë post të rëndësishëm.
