Në seancën e sotme plenare, deputetët e Partisë Demokratike kanë sjellë në vëmendje të Kuvendit situatën alarmante të shkaktuar nga zjarri katastrofik në vendgrumbullimin e mbetjeve urbane në Elbasan.
Sipas tyre, flakët që përfshinë zonën kanë krijuar jo vetëm ndotje të rëndë të ajrit, por edhe rrezik për shëndetin publik të banorëve përreth. Demokratët kanë kërkuar ndërhyrje të menjëhershme nga autoritetet përgjegjëse dhe hetim për shkaqet e zjarrit, si dhe transparencë mbi menaxhimin e mbetjeve në këtë zonë.
Nga ana tjetër, qeveria ende nuk ka dhënë një reagim zyrtar lidhur me akuzat apo kërkesat e paraqitura nga opozita. Situata në Elbasan mbetet shqetësuese, ndërsa pritet një plan veprimi për të shmangur përsëritjen e ngjarjeve të ngjashm
Zheni Gjergji – Një alarm i fortë për gjendjen dramatike të mjedisit, pasojë direkte e dështimit spektakolar të projektit të inceneratorit, që nuk ka funksionuar asnjëherë.
Qani Xhafa – Jeta e banorëve të Elbasanit prevalon mbi çdo lloj procedure që ka ky Kuvend. Fusha e mbetjeve është kthyer në një metalurgji të dytë. Një ditë pasi Prokuroria thirri 21 persona, nëpunës të bashkisë dhe punonjës të inceneratorit, pikërisht për zhdukjen e provave aty është vënë zjarri. Unë e kam paralajmëruar më herët që aty në Elbasan do të bëhet katastrofë mjedisore. I bëj thirrje qeverisë që ai vendgrumbullim të bllokohet dhe të gjendet në vend i përshtatshëm për mbetjet.
Jorida Tabaku: Kam drejtuar dhe një komision hetimor, në emër të grupit të PD kemi kërkesë për një debat parlamentar për atë që ndodhi në Elbasan. E kemi nisur këtë diskutim në 2017, sot ndodhemi para faktit që asnjë nga inceneratorët nuk punon. Ministri i Financave duhet të japë llogari për pagesat e inceneratorëve. Skandal mjedisor që agravohet, nëse nuk diskutojmë për këtë, për çfarë do diskutojmë?
Elisa Spiropali: Bëni kërkesë sipas rregullores dhe jo duke u ngritur sot për propagandën e ditës
