Manchester City ka marrë një tjetër goditje në aspektin e dëmtimeve. Në ndeshjen ndaj Sunderland, anësori brazilian Savinho pësoi një dëmtim, ndërsa Pep Guardiola ka sqaruar tani sa gjatë pritet të jetë jashtë fushave.
Pas ndeshjes kundër Brighton, trajneri spanjoll deklaroi se Savinho do të mungojë për një periudhë të gjatë, rreth 1 muaj e gjysmë deri në 2 muaj. Kjo do të thotë se rikthimi i tij mund të ndodhë nga fundi i shkurtit ose në fillim të marsit.
Në kampionat, Manchester City ka 43 pikë pas 21 javësh. Skuadra është 5 pikë pas Arsenalit, por “Topçinjtë” kanë edhe një ndeshje më pak, çka do të thotë se diferenca mund të rritet.
Ndërkohë, City pritet të vuajë edhe mungesën e mbrojtësit portugez Rúben Dias (28 vjeç), i cili raportohet se do të qëndrojë jashtë për rreth 6 javë për shkak të një dëmtimi në hamstring.
