Është shtyrë seanca paraprake ndaj ish-presidentit Ilir Meta,
Shkak është bërë mungesa e avokatit të kreut të PL-së, Kujtim Cakrani.
Sakaq bën me dije se seanca e radhës do të mbahet më 27 nëntor.
Kujtojmë se seanca u shty edhe më 11 nëntor për shkak të kërkesës së avokatit të Metës, Kujtim Cakrani për përjashtimin e gjyqtares Irena Gjoka nga çështja.
Sipas avokatit gjyqtarja Gjoka është në konflikt interesi pasi po hetohet nga SPAK për akuzat e ngritura më herët nga Sali Berisha se ka fshehur një dënim për falsifikim dokumentesh në Greqi.
Ai kërkoi gjithashtu që dosja të kthehet për hetim në SPAK, duke argumentuar se Prokuroria e Posaçme ka shkelur procedurën duke dërguar një provë të re që lidhet me pagesat për lobimin e LSI-së në SHBA, ndërkohë që hetimet i ka mbyllur që më 28 korrik dhe e ka çuar dosjen për gjykim.
Meta ndodhet në burg që prej tetorit 2024, ndërsa Kryemadhi me detyrim paraqitje. Ata akuzohen për korrupsion pasiv, pastrim parash dhe mosdeklarim pasurie.
