Ndërsa ne e dimë se kush do të jetë presidenti i ardhshëm i Shteteve të Bashkuara të Amerikës, ka një shtet që ende po na mban varur, Arizona.
Me 74% të votave të numëruara, Donald Trump aktualisht ka 52.5% dhe Kamala Harris ka 46.6%. E përkthyer në vota elektorale Trump ka siguruar deri më tani 301 vota elektorale, ndërsa 226 volta elektorale Harris.
Por, pse është duke zgjatuar kaq gjatë numërimi në Arizona?
Sipas Clean Elections , ligji i shtetit nuk lejon një qark të finalizojë rezultatet e tij të zgjedhjeve deri më 11 nëntor. Ai thotë se kjo është për të “mbrojtur” saktësinë dhe integritetin e numërimit.
KOLD News 13, një degë lokale e lajmeve të partnerit të BBC-së në SHBA, CBS, raporton se zyrtarët zgjedhorë kanë punuar ditë pas dite, duke numëruar dhe verifikuar fletëvotimet.
“Ata i drejtojnë fletët e votimit përmes verifikimit të nënshkrimeve dhe më pas i dërgojnë në një bord dypartiak që i hap ato së bashku”, i tha kanalit të lajmeve Gina Roberts, drejtoresha e edukimit të votuesve me Komisionin e Zgjedhjeve të Pastra të Arizonës.
“Ata sigurohen që fleta e votimit të mos dëmtohet. Ata i përpunojnë ato fletë votimi dhe më pas i dërgojnë në tabelim,” shtoi Roberts.
