Shtëpia e Bardhë ka reaguar në lidhje me sulmet ruse në Kiev, ku humbën jetën disa persona ndërsa u prekën nga sulmet edhe Delegacioni i BE.
“Këto janë dy vende që janë kanë qenë në luftë për një kohë shumë të gjatë. Rusia nisi këtë sulm ndaj Kievit dhe po ashtu Ukraina kohët e fundit i dha një goditje rafinerive të naftës së Rusisë”, thuhet në deklaratë, raportojnë mediat ndërkombëtare.
Presidenti i SHBA, Donald Trump, pritet që të zhvillojë edhe një konferencë lidhur me këtë situatë.
Gjithashtu nga Shtëpia e Bardhë nënvizohet se Donald Trump dëshiron që lufta të përfundojë, ndërsa udhëheqësit e të dy vendeve duhet të jenë të vendosur për të përfunduar luftën.
