Një shqiptar është ndaluar në hyrje të Malit të Zi, në vendkalimin e Bozhajt. Shqiptarit me iniciale A. D., i është kontrolluar automjeti i tij tip “Range Rover”, i cili rezultonte i shpallur në kërkim nga Interpol Zvicra. Ndërkohë, policia kufitare ndaloi dhe ushtroi kontroll edhe ndaj një automjeti tjetër tip “BMW x6”, me drejtues E. A., 27-vjeç nga Serbia.
Policia kufitare ka bllokuar dy automjetet pasi rezultuan se ishin të shpallura në kërkim ndërkombëtarë. Automjeti që drejtohej nga shqiptari ishte i shpallur në kërkim nga Interpol Zvicra. Ndërsa është konstatuar se edhe për atuomjetin që drejtohej nga serbi, është lëshuar urdhër ndërkombëtar i Interpolit nga Gjermania dhe automjeti është sekuestruar, njofton Drejtoria e Policisë.
