Një 39-vjeçar shqiptar ka plagosur me thikë një 17 vjeçar të komunitetit rom në Argostoli të Greqisë. Ngjarja raportohet se ka ndodhur mbrëmjen e së shtunës (8 mars).
Mediat greke shkruajnë se nuk janë ende të qarta arsyet pse ndodhi plagosja.
Për fat të mirë i plagosuri është jashtë rrezikut për jetën, ndërkohë që 39-vjeçari shqiptar është në paraburgim.
Policia bën me dije ndër të tjera se pas kontrollit të të dhënave të 39-vjeçarit, rezultoi se ai qëndronte ilegalisht në shtetin fqinj.
Autoritetet greke po punojnë për zbardhjen e plotë të rrethanave të ngjarjes.
