Pavarësisht festimeve të Kurban Bajramit, fundjava ka sjellë një numër të madh qytetarësh, vizitorësh dhe turistësh drejt zonave bregdetare.
Siç pasqyrohet edhe nga pamjet, kjo lëvizje masive ka shkaktuar një fluks të konsiderueshëm dhe radhë të gjata automjetesh që kanë mbetur në trafik.
Në të gjitha hyrjet drejt Lezhës vërehen radhë të zgjatura, ndërsa përgjatë segmentit Lezhë–Laç trafiku paraqitet tepër i ngarkuar. Situata është edhe më e rënduar në zonën e Fushë-Milotit, në nyjën ku bashkohen Rruga e Kombit dhe superstrada Lezhë–Laç, ku shumë automjete janë bllokuar për një kohë të gjatë për shkak të qarkullimit të rënduar.
Probleme ka pasur dhe në autostradën Tiranë-Elbasan, në dalje dhe në afërsi të rrethrrotullimit të Bradasheshit, ku trafiku ka qenë i rënduar.
