Lëvizja “Shqipëria Bëhet” do të mbështesë aktorin dhe prezantuesin Florjan Binaj në zgjedhjet e pjesshme të dats 9 nëntor 2025 për Bashkinë e Tiranës.
Në një reagim në rrjetet sociale, kryetari i “Shqipëria Bëhet” Adriatik Lapaj ka shkruar se ata do ta mbështesin Florin në këtë garë.
Në postimin e plotë shkruhet:
“Dy ditë më parë propozuam që kandidatët për bashkitë në këto zgjedhje për shkak të situatës së jashtëzakonshne duhet të vinin nga radhët e qytetarëve të angazhuar dhe jo nga marrëveshjet e partive politike.
Deklaruam se do të mbështesnim një prej kandidatëve të pavarur që do të shpallnin kandidimin në këto zgjedhje.
Duke shprehur vlerësimin për të gjithë ata që janë deklaruar, kryesia e Lëvizjes “Shqipëria Bëhet” ka vendosur që në Bashkinë Tiranë të mbështesë kandidatin e pavarur Florjan Binaj.
Ky vendim bazohet te vullneti ynë i mirë dhe bindja që Shqipëria vlen mbi partinë.”
Kujtojmë se Florjan Binaj shpalli kandidaturën e pavarur një ditë më parë për Tiranën. Ai më parë ka qenë pjesë e nismës “Shqipëria Bëhet”, por në një moment u dorëhoq për të vijuar rrugën e artit.
