Një rrotë ka rënë nga vetura zyrtare e presidentit serb Aleksandar Vuçiç sot, rrugës për në vendbanimin Kikinda të Mokrinit. Vuçiç më pas kaloi në një automjet tjetër dhe vazhdoi turneun e tij në rrethin Qendror të Banatit.
Bëhet fjalë për një makinë të blinduar të projektuar posaçërisht për transportin e zyrtarëve, kështu që nuk është e qartë se si ka ndodhur incidenti, transmeton Tanjug.
Vuçiq tha sot në një tubim në Kikinda se i është shpuar një gomë rrugës për në Mokrin, duke thënë se atyre u është konfirmuar nga Presidenca e Serbisë, se automjeti në fakt nuk i ka dalë goma, por i ka rënë një rrotë e tërë.
Në një prononcim për një stacion televiziv, Vuçiq tha se pasi kishte vizituar Melencin rrugës për në Mokrin, automjetit të tij i ka plasur një gomë: “Pasi vizitova Melencin, shkova në Mokrin para mitingut të madh në Kikinda dhe isha në makinën time në atë udhëtim. Unë do t’ju jap disa shpjegime. Pra, nëse goma ka plasur, ka shpërthyer me të gjitha gomat ose çfarë mendoj unë ose Zoti e di se çfarë tjetër, kjo është në dorën e autoriteteve kompetente për të përcaktuar dhe ata do ta përcaktojnë atë. Arrita në një makinë tjetër dhe ndërrova.”
