Një sasi lënde shpërthyese është vendosur në banesën e Mirash Gjonit, në fshatin Rrilë të Lezhës, në orët e para të mëngjesit të së shtunës.
Ngjarja ka ndodhur rreth orës 03:00, ndërsa shpërthimi ka shkaktuar dëme materiale.
Në vendngjarje kanë mbërritur forcat e policisë, të cilat kanë nisur hetimet për zbardhjen e rrethanave dhe identifikimin e autorëve.
Kjo është hera e dytë brenda pak kohësh, pasi më 21 maj një tjetër lëndë shpërthyese iu vendos vilës së Tom Çungut, duke shkaktuar dëme materiale, një ngjarje që ka mbetur ende pa autor.
