Një shpërthim me lëndë plasëse ka ndodhur gjatë natën në një lagje periferike të Elbasanit. Bëhet e ditur se shpërthimi ka ndodhur rreth orës 22:00 të mbrëmjes së mërkurë në afërsi të një blloku banimi përgjatë rrjedhës së përroit të Zaranikës në lagjen “Banesa”.
Si pasojë e shpërthimit ka patur thyerje të xhamave të dritareve të disa apartamenteve. Konkretisht lënda plasëse ishte vendosur në oborrin e pallatit afër hyrjes së një apartamenti. Gjithashtu policia ka shkuar në vendin e ngjarjes dhe po punohet për zbardhjen e plotë të ngjarjes.
