Një mjet u përfshi nga flakët pasditen e sotme në lagjen nr. 4 të qytetit të Korçës.
Sipas informacioneve paraprake, mësohet se mjeti ka qenë në ecje dhe ka pësuar defekt, ç’ka ka sjellë edhe rënien e zjarrit.
Fatmirësisht nuk pati të lënduar ndërsa zjarrfikësja shkoi në vendngjarje për të bërë shuarjen e flakëve.
Po ashtu edhe policia ka mbërritur për të zbardhur rrethanat e rënies së zjarrit.
Paraprakisht dyshohet për një defekt në mjet që ka shkaktuar zjarrin, por do të pritet edhe ekspertimi auto-teknik.
