Një 67-vjeçar, i cili nëpërmjet mashtrimit shiti një apartament dy herë është arrestuar nga policia e Fierit.
Në pranga ka rënë shtetasi Njazi Vrenozi.
Ai u arrestua pas denoncimit të bërë nga shtetasi I. B., 45 vjeç, banues në Fier, se në apartamentin që kishte blerë në vitin 2016 nga Vrenozi, jetonin disa shtetas të tjerë.
Pas verifikimeve rezultoi se Vrenozi në vitin 2024 po këtë apartament, ja kishte shitur shtetasit M. D., 32 vjeç.
Në përfundim të veprimeve hetimore, u bë ndalimi i shtetasit Njazi Vrenozi, 67 vjeç, banues në Fier, për veprën penale “Mashtrimi”.
Materialet procedurale iu referuan Prokurorisë së Fierit, për veprime të mëtejshme
