Dy persona janë vënë në pranga në Durrës, pasi akuzohen për shpërndarje të lëndëve narkotike.
Sipas policisë, në pranga janë vënë shtetasit D. R., 33 vjeç, dhe K. Xh., 27 vjeç, të dy banues në Durrës, të cilët dyshohet se bashkëpunonin për shitjen e kokainës dhe cannabis sativa në zona të ndryshme të qytetit, përfshirë edhe plazhet.
Gjatë kontrolleve fizike dhe në banesat e tyre, uniformat blu sekuestruan mbi 100 doza të lëndëve të dyshuara narkotike, një shumë parash të dyshuara si të përfituara nga aktiviteti kriminal, dy armë të ftohta, një shkop bejsbolli dhe një thikë, si edhe tre telefona celularë.
Materialet procedurale i janë referuar Prokurorisë pranë Gjykatës së Shkallës së Parë të Juridiksionit të Përgjithshëm Durrës, ndërsa ndaj dy të arrestuarve rëndojnë akuzat për “Prodhim dhe shitje të narkotikëve”, kryer në bashkëpunim, si dhe “Prodhim, mbajtje, blerje apo shitje pa leje të armëve të ftohta”.
