Policia e Shtetit ka dhënë një deklaratë zyrtare në lidhje me një ngjarje të dhunshme që ndoqi në aeroportin e Rinasit, mëngjesin e 6 shtatorit.
Sipas policisë, incidenti ndodhi gjatë procesit të imbarkimit të pasagjerëve që udhëtonin me çarter drejt Antalisë. Disa pasagjerë filluan një debat me punonjësit e check-in-it, duke kërkuar të kalonin pa radhë për shkak të fëmijëve të vegjël të pranishëm.
Për të qetësuar situatën, stafi i aeroportit kërkoi ndihmën e policisë. Pas ndërhyrjes së shërbimeve të Komisariatit të Policisë Rinas, konflikti u zgjidh.
Kryefamiljari, identifikuar si A. M., së bashku me rreth 18 të afërm, u kërkuan falje punonjësve për incidentin. Punonjësit, në këtë rast, përjashtuan mundësinë e paraqitjes së një denoncimi, duke shprehur dëshirën për të shmangur procedurat ligjore të mëtejshe.
Policia njëkohësisht sqaron se informacionet që lidhin të përfshirët në incident me individin e identifikuar si Xh. Q. janë të pavërteta.
Duke marrë parasysh reflektimin pozitiv të familjarëve dhe prirjen e punonjësve për të mos vazhduar me ankesat, policia vendosi që t’i këshillonte ata për të shmangur veprime të ngjashme në të ardhmen dhe i lejoi të vazhdonin udhëtimin e tyre pasi ishin me fëmijë të mitur.
