Një konflikt i dhunshëm është regjistruar mesditën e sotme në zonën e njohur si “Rruga e Cipave”, në Vlorë.
Sipas raportimeve, disa persona janë përfshirë në përplasje fizike për arsye ende të paqarta dhe si pasojë, ka mbetur i plagosur njëri prej tyre, i identifikuar si Ismail Aliaj 63-vjeç.
Sipas burimeve, ai ka marrë goditje në pjesën e fytyrës dhe të grykes, plagë të cilat kanë rezultuar fatale. AI ësht^ transportuar në spital por nuk ka arritur t’i mbijetojë dëmtimeve.
Ndërkohë, djali i viktimës ka mbetur i lënduar lehtë dhe ndodhet jashtë rrezikut për jetën.
Sipas informacioneve paraprake, autori i dyshuar është larguar nga vendi i ngjarjes menjëherë pas incidentit, duke u drejtuar në drejtim të autostradës.
Policia e Vlorës është vënë në ndjekje të autorëve, ndërsa vijojnë hetimet për zbardhjen e plotë të rrethanave të kësaj ngjarjeje. Pritet një reagim zyrtar nga policia për më shumë detaje.
