Dy persona janë përfshirë në një konflikt të dhunshëm me njëri-tjetrin dhe si pasojë kanë përfunduar në spital.
Policia njofton se ngjarja ka ndodhur në orën 21:05, në rrugën Ndre Mjeda në Tiranë.
Gjatë konfliktit, shtetasi B.D, rreth 69 vjeç, ka goditur me sende të forta shtetasin B.M, rreth 45 vjeç, ndërsa ky i fundit ka goditur me një mjet prerës shtetasin B.D.
Të dy ndodhen në spital nën kujdesin e mjekëve.
Shërbimet e Policisë dhe Grupi Hetimor ndodhen në vendngjarje dhe po punojnë për zbardhjen e plotë e rrethanave të ngjarjes.
