Është shembur muri pritës në segmentin rrugor Maliq–Lozhan, në afërsi të urës së Qenckës, në kilometrin e 13-të të këtij aksi.
Sipas informacioneve paraprake, si pasojë e rrëshqitjes së një masivi dheu, muri pritës ka pësuar dëmtime, duke krijuar vështirësi në qarkullimin e mjeteve.
Aktualisht, lëvizja e automjeteve kryhet me një korsi, nën kujdesin e drejtuesve të mjeteve.
Kujtojmë se si pasojë e motit të keq gjatë muajit janar në vend, rrëshqitje dheu ka pasur në disa rrugë dhe zona të vendit, duke shkaktuar probleme në qarkullimin e mjeteve dhe jo vetëm.
