Një aksident i rëndë është regjistruar këtë të shtunë në një galeri kromi në malin e Tërnovës, në Bulqizë.
Sipas informacioneve paraprake, dyshohet se një masiv shkëmbor është shembur brenda galerisë, duke zënë poshtë tre persona që ndodheshin në punë në momentin e ngjarjes.
Burime nga vendi i ngjarjes bëjnë me dije se një prej minatorëve dyshohet se ka humbur jetën, ndërsa për dy të tjerët po vijojnë përpjekjet për t’i nxjerrë nga galeria.
Në vendngjarje kanë mbërritur ekipet e emergjencës, shërbimet e policisë dhe grupet e shpëtimit, të cilat po punojnë për lokalizimin dhe nxjerrjen e personave të bllokuar.
Rrethanat e plota të aksidentit mbeten ende të paqarta, ndërsa pritet një reagim zyrtar nga autoritetet për zbardhjen e plotë të ngjarjes.
