Në një intervistë për KTV-në, avokati Hasan Shala ka theksuar se Serbia e ka për qëllim strategjik të krijojë një perceptim te ndërkombëtarët se Kosova nuk është në gjendje të menaxhojë një shtet funksional. Ai nënvizon se Serbia ka qenë e involvuar në përpjekje për të destabilizuar Kosovën, duke paralajmëruar se do të vazhdojë të punojë në këtë drejtim për të provuar se Kosova përbën një kërcënim për paqen në Ballkan.
Shala gjithashtu kritikoi ndërhyrjet e politikës në punën e Prokurorisë Speciale të Kosovës, duke theksuar se kjo përzierje dëmton seriozitetin e proceseve në sytë e komunitetit ndërkombëtar. Ai theksoi se ndërhyrjet e kryeministrit dhe ministreve të drejtësisë kanë krijuar presion të panevojshëm mbi Prokurorinë, e cila duhet të mbetet e pavarur për të siguruar një proces të besueshëm dhe të pranuar nga ndërkombëtarët.
Një pikë kyçe e deklaratave të tij ishte vërtetimi i përfshirjes së Serbisë në sulmin e “Ibër-Lepencit.” Shala e përshkroi këtë si një fitore të madhe për Kosovën, duke bërë të ditur se dokumentimi i kësaj përfshirjeje me prova, përfshirë 20 kg tritol, tregon se Serbia po ndërhyn në mëmëdhenë e Kosovës me akte terroriste. Ai shprehu bindjen se këto provat demonstrojnë se destabilizimi i Ballkanit vjen në fakt prej Serbisë, dhe jo nga Kosova.
Për Shalën, është e rëndësishme që autoritetet kosovare të jenë vigjilente ndaj përpjekjeve të Serbisë për të manipuluar opinionin e jashtëm dhe për të dëmtuar imazhin e Kosovës si një shtet të pavarur dhe funksional. Ai apeloi për një qasje të harmonizuar dhe të qartë nga institucionet e Kosovës për t’iu përgjigjur këtyre kërcënimeve dhe për të ruajtur stabilitetin në rajon.
