Perceptimi i marrëdhënieve romantike ka ndryshuar ndjeshëm, nga mënyra si e shohim martesën deri te konceptet moderne si marrëdhëniet “DADT” (Don’t Ask, Don’t Tell), ku partnerët bien dakord të mos diskutojnë lidhjet paralele. Edhe pse modeli tradicional i lidhjes ende mbetet, normat po ndryshojnë dhe tradhtia është në rritje.
Sipas një studimi nga Qendra Kërkimore Bedbible, rreth 23% e njerëzve pranojnë se kanë tradhtuar partnerin, krahasuar me vetëm 5% në vitet 1960. Meshkujt raportojnë tradhti më shpesh se femrat (21% kundrejt 7%), por diferenca gjinore po ngushtohet në vitin 2023, përqindja te gratë arriti në 17%. Ndryshe nga pritshmëritë, tradhtia arrin kulmin në moshën 58 vjeç, ndërsa është më e ulët te të rinjtë 18-19 vjeç.
Pjesa më e madhe e lidhjeve jashtëmartesore lindin nga kontaktet në rrethin shoqëror apo ambientet e punës, më shumë se në rrjetet sociale. Pas zbulimit të tradhtisë, mbi gjysma e lidhjeve përfundojnë menjëherë.
Në rang global, vendet me nivelet më të larta të tradhtisë janë Tajlanda, Danimarka dhe Gjermania, ndërsa Vatikan, Uruguai dhe Sllovenia raportojnë përqindjet më të ulëta. Studiuesit theksojnë se kuptimi më i thellë i shkaqeve të tradhtisë është thelbësor për ndërtimin e marrëdhënieve më të qëndrueshme në një shoqëri që ndryshon vazhdimisht.
