Ahmad Al-Sharaa, udhëheqësi i grupit rebel Hayat Tahrir al-Sham (HTS), është emëruar president i përkohshëm i Sirisë pas rrëzimit të presidentit Bashar al-Asad. Al-Sharaa, një figurë dikur e lidhur me Al-Qaidan, ka udhëhoqur ofensivën që solli përmbysjen e Asadit në fillim të dhjetorit.
Ai është përpjekur të paraqitet si një udhëheqës pragmatik dhe tolerant, duke premtuar mbrojtjen e të drejtave të grave dhe pakicave fetare.
Emërimi i tij erdhi pas anulimit të Kushtetutës siriane të vitit 2012, ndërsa Al-Sharaa pritet të formojë një këshill të përkohshëm legjislativ dhe të hartojë një Kushtetutë të re. Shtetet e Bashkuara kishin shpallur një shpërblim për kapjen e tij, por e anuluan atë pas një vizite diplomatike në Damask. Pas rënies së Asadit, HTS ka marrë kontrollin e disa zonave dhe ka krijuar një qeveri të përkohshme.
Përveç emërimit të Al-Sharaas, autoritetet e përkohshme të Sirisë kanë njoftuar se do të shpërbëhen të gjitha grupet e armatosura dhe do të krijohet një ushtri kombëtare e unifikuar. Megjithatë, ende mbeten pyetje mbi sfidat e bashkimit të grupeve të ndryshme rebele dhe krijimin e një administrate të qëndrueshme.
