Vendimin e Gjykatës së shkallës së parë Tiranë për të rrëzuar padinë e kryeministrit ndaj ish-kreut të PD-së Lulzim Basha në vitin 2018 , kreu i qeverisë Edi Rama e quan lajm satirik që iu deshën 7 vite për tu zbardhur.
“Tani që ky arsyetim nuk ka dalë nga ndonjë libër humoristik, po nga një gjykatë dhe që arsyetuesi nuk është autori i “Ushtarit të mirë Shvejk”, po një gjykatëse që paguhet më shumë se sa një mësuese apo një mjeke nga taksat e shqiptarëve, ky është një fakt për të qarë e aspak për të qeshur”, tha Rama.
Në vijim të argumentimit, shefi i mazhorancës është ndalur sërish te kërkesa e unionit të Gjykatësve depozituar ne kushtetuese per rritje page 700 Euro
“Si mund t’i vejë halli të drejtës së njerëzve për çështje më të rëndësishme në duart e një gjykatëseje të tillë, atëherë të vjen të pyesësh: A do zgjohet nga gjumi qeveria e Gjyqësorit, me këshilltarët e inspektorët e lartë dhe qindra punonjësit e administratës së saj të aq mirë paguar, për t’i kaluar në filtrin e përgjegjësisë së lartë publike bëmat dhe gjëmat me të cilat përballet e drejta e njerëzve të zakonshëm në sallat e gjyqeve?!Këtu halli është si do u vejë halli çështjeve shumë më të rëndësishme të njerëzve, që varen nga mendja e gjykatëses në fjalë apo të tjerëve si ajo, të cilët e kanë nivelin logjik nën kapacitetin e një 12 vjeçari”, u shpreh Rama.
Shefi i qeverise ka paditur Lulzim Bashën për cenim të nderit dhe personalitetit, pas deklaratave publike të vitit 2018 mbi përfshirjen e zyrtarëve të lartë të Partisë Socialiste në aferat e dosjes “339”.
Por Gjykata e Tiranës vendosi rrëzimin e padisë me argumentin se është e pabazuar në ligj e në prova, teksa shpenzimit gjyqësore do të paguhen nga pala paditëse.
