Vendi 11A nuk ishte vetëm një vend me fat për Vishwash Kumar Ramesh, pasagjerin e vetëm mbijetues midis 242 personave në bordin e avionit Boeing 787 të Air India që po udhëtonte për në Londër. Siç raportohet nga Daily Mail, një këngëtar tajlandez, 47-vjeçari Ruangsak Loychusak , tha se i mbijetoi një rrëzimi avioni në vitin 1998, në të cilin vdiqën 101 pasagjerë dhe se edhe ai ishte ulur në vendin 11A.
Aksidenti i vitit 1998 Incidenti në fjalë përfshinte fluturimin TG261 të Thai Airways, i cili u nis nga Bangkoku dhe kishte për destinacion Surat Thani, Tajlandë. Përplasja vrau 101 nga 132 pasagjerët dhe 14 anëtarët e ekuipazhit.
Loychusak tha se u dridh kur zbuloi se i mbijetuari i vetëm i rrëzimit të avionit në Indi ishte ulur në sediljen 11A.
Këngëtari tajlandez më pas përshkroi pasojat e kësaj ngjarjeje të rëndë. “Pas rrëzimit, pata vështirësi në fluturim për 10 vjet. Pata vështirësi në frymëmarrje, edhe pse qarkullimi i ajrit ishte normal. Shmangja të flisja me kedo dhe gjithmonë shikoja nga dritarja, duke mos lejuar askënd ta mbyllte atë“, tha ai.
«Ende i mbaj mend tingujt, aromat dhe madje edhe shijen e ujit nga këneta ku u rrëzua avioni», shtoi ai.
