Era Saraçi, vajza e Mira Konçit dhe Shpëtim Saraçit, edhe pse s’është fytyrë publike, nuk u ka shpëtuar vëmendjes së mediave. Duke i pasur të dy prindërit figura publike, edhe Era është bërë pjesë e tyre, përmes Instagramit ku nuk i ka të pakët ndjekësit.
Bukuroshja publikon foto herë pas here dhe nuk është e vështirë të kuptosh se sa qejf e ka Era jetën e shtrenjtë e veshjet luksoze.
Ajo është kliente e markave nga më të shtrenjtat, kryesisht Louis Vuitton, Cartier, Hermes, e të tjera me rradhë. Në një foto të publikuar së fundi dhe po qarkullon në rrjetet sociale, Era mban veshur rroba dhe aksesorë që kapin një shifër prej rreth 80 mijë eurosh. Nëse ju shkon mendja të pyesni për burimin e të ardhurave, duhet ta themi që nuk e dime, pasi jeta private e Erës ka qenë disi hermetike.
Prej kohësh jeta e saj është zhvendosur kryesisht jashtë Shqipërisë, ndërkohë që prindërit e saj vendosën të ndahen disa vite më parë.
