Rodri ka përshëndetur Manchester Cityn me një mesazh emocional, pasi mbylli aventurën e tij shtatëvjeçare në Angli dhe firmosi me Barcelonën.
Mesfushori spanjoll falënderoi klubin, tifozët, stafin dhe bashkëlojtarët për vitet e kaluara së bashku, duke kujtuar disa nga momentet më të rëndësishme të karrierës së tij në Manchester.
“E dija që po vija në një skuadër të madhe, por nuk e imagjinoja kurrë se do të krijonim këtë trashëgimi. Kemi fituar trofe dhe kemi lënë diçka të veçantë pas”, u shpreh ai.
Rodri veçoi mes kujtimeve golin në finalen e Champions League ndaj Interit, triumfet në Premier League dhe momentin kur u rikthye në Manchester pas fitimit të Topit të Artë.
Në fund, spanjolli e mbylli mesazhin me një fjali të ndjerë: “Manchester ka formuar jetën time. Është koha për të thënë lamtumirë, por zemra ime do të jetë gjithmonë blu.”
