Ka nisur zyrtarisht numërimi i votave në rang vendi dhe ato të diasporës për zgjedhjet parlamentar, proces i mbajtur këtë të diel.
Kutitë e para të votimit janë hapur në Bashkinë e Pustecit, në Qarkun e Korçës, duke qenë se është dhe zona me numrin më të ulët të votuesve.
Paralelisht me kutitë e votimit në Pustec, ka nisur dhe numërimi i votave të diasporës për Qarkun e Korçës. të vendosura në Parkun Olimpik të Tiranës.
Deri më tani, KQZ ka përditësuar rezultatet vetëm për dy kuti votimi në zonën e Pustecit, nga 8 kuti të cilat janë në total.
Deri më tani në Pustec, Partia Socialiste udhëheq me 264 vota, Partia Demokratike 87 vota, Partia Mundësia 7 vota, Lëvizja Bashkë 2 vota, koalicioni “Nisma Shqipëria Bëhet” 2 vota, Partia Aleanca Kombëtare 1 votë dhe Partia Social-Demokrate 1 votë. Ndërkohë në dy kutitë e para ka 29 vota të pavlefshme.
Po ashtu, numërimi i votave ka nisur edhe në kutitë e fshatrave Progonat, Nivicë dhe Sinanaj, teksa jemi në pritje të rezultatit.
Kujtojmë se Komisioni Qëndror i Zgjedhjeve, me kërkesë të PD-së, bllokoi publikimin e rezultatit në Vorë dhe në njësinë nr.10 në Tiranë, ku u votua elektronikisht, teksa Ilirjan Celibashi tha se rezultati për votimin elektronik do të bëhet me dije mëngjesin e së hënës.
Gjithsesi, sipas raportimeve nga mediat, në 21 pajisje elektronike votimi në Vorë, Partia Socialiste ka marrë 1902, ndërsa PD vetëm 1164 vota.
Tek ky LINK, mund të njiheni me përditësimin në kohë reale të KQZ së rezultatit të zgjedhjeve në rang vendi. (KLIKO KËTU)
