Shtetet e Bashkuara dhe Ukraina do të nënshkruajnë një marrëveshje për mineralet, sipas burimeve të cituara nga Reuters.
Tre burime të ndryshme i thanë gazetës se Donald Trump ka informuar këshilltarët e tij se dëshiron të shpallë marrëveshjen gjatë fjalimit të tij në Kongres më vonë sonte.
Megjithatë, ata theksuan se marrëveshja ende nuk është nënshkruar.
Nënshkrimi i marrëveshjes u shty javën e kaluar, pas takimit të tensionuar mes Volodymyr Zelenskyt me Donald Trump dhe J.D. Vance në Shtëpinë e Bardhë.
Më herët të martën, Zelensky postoi në “X” se Ukraina ishte gati të nënshkruante marrëveshjen.
“Takimi ynë në Uashington, në Shtëpinë e Bardhë të premten, nuk shkoi ashtu siç duhej”, tha Zelensky në postimin e tij.
“Ukraina është e gatshme të vijë në tryezën e bisedimeve sa më shpejt që të jetë e mundur për të sjellë më afër paqen e qëndrueshme.”
